Pagbabayad ng PENELCO bill, pinagaan

Hindi pupuwersahing magbayad nang buo ang ating mga kababayan ng kanilang mga bill sa koryente sa gitna ng panahon ng pandemic. Ayon kay PENELCO Manager Lerry Marcelino, “ngayong panahon ng pandemic hayaan muna nating makabangon ang ating mga kababayan para makapaghanap buhay nang maayos hanggang sa sila ay kumita para mabuhay nila ang kanilang pamilya.

Pwede nilang utay-utayin ang pagbabayad ng kanilang nakunsumo sa koryente; halimbawa yung isang buwang pakakautang pwede nilang hulug-hulugan hanggang sa sila ay makatapos” ani pa ni Engr. Marcelino. Idinagdag pa ng Manager na mayroon din silang ipinatutupad na 5% diskwento sa mga Senior Citizens na hindi lalampas sa 100 kwh ang nakonsumong koryente sa loob ng isang buwan. Kailangan lang gawin ng isang SC ay magrehistro sa kanilang tanggapan ng Penelco na matatagpuan sa Roman Highway.

Sending
User Review
2.57 (7 votes)
scroll to top