banner

Abucay, pinakamalaking prodyuser ng tahong sa bansa

Written by
  • Zeny S.
  • 2 months ago

Ito ang nakatutuwang ibinalita ni Mayor Robin Tagle ng bayan ng Abucay. Ayon kay Mayor Tagle, umabot na sa 804 na ektarya ang tahungan sa coastal areas ng kanilang bayan. Kada anim na buwan, sa bawat sukat na 17sq meters ay umaabot mula 200 hanggang 250 banyera ng tahong ang kanilang ani, na inaangkat ng mga magtatahong mula sa probinsya ng Cavite, lungsod ng Navotas at iba pang bayan.

Sa ngayon ay maliit lamang ang binabayarang buwis ng mga magtatahong sa kanilang bayan, subalit pinag aaralan na ng kanyang team ang pagtatakda ng tamang buwis kada banyera ng tahong, dahil sa laot pa lamang ay nagkakabilihan na.

Dahil dito, magtatalaga na ng mga bantay-dagat para masiguro na tama ang ibinabayad na buwis kada banyera. Ito ay malaking karagdagan sa kaban ng bayan, na mangangahulugan ng dagdag na proyekto para sa bayan.

Bilang sukli ay ipalilinis niya ang “sea bed” ng mga pinagtataniman ng tahong upang mas gumanda pa ang lasa nito at dumami pa ang aanihing tahong ng kanyang mga kababayan.

Article Tags:
· · · ·
Article Categories:
News

Leave a Reply

Shares