Science-based farming isinusulong ni Congresswoman Gila

Patuloy na isinusulong ni Bataan 3rd District Representative Maria Angela Garcia ang science-based farming hindi lamang sa Dinalupihan kundi sa iba pang karatig-bayan gaya ng Hermosa.

Kamakailan lang bumisita sa Bataan ang mga kinatawan ng Australian Center for International Agricultural Research (ACIAR) at Griffith University upang talakayin ang applied research on soil health.

Nito lamang ika-14 ng Abril, ang grupo ay bumisita naman sa Orion Production Field Day event at sa Adrian Santos Farm sa Barangay Balik, Hermosa kung saan tiningnan at sinuri ang kalidad ng lupa.

Sinabi ni Cong. Gila: “Patunay ito na patuloy tayong umuusad tungo sa mas makabago at science-based na mga solusyon na naglalayong higit pang mapabuti ang ani, kabuhayan, at kinabukasan ng sektor ng agrikultura sa Bataan.”