banner

Cong. Gila Garcia, “the Living Fertilizer “

Written by
Cong Gila Garcia the Living Fertilizer
  • Zeny S.
  • 4 weeks ago

Ito ang naging bansag kay Cong. Gila Garcia dahil sa kanyang pagmamalasakit at dedikasyon sa kalagayan ng mga magsasaka, upang matulungan sila na mapaunlad pa ang kanilang ani, simula pa nong siya ay Mayor ng Dinalupihan hanggang sa ngayon na siya ay Kinatawan na ng ikatlong distrito ng lalawigan.

Kung noon ay talagang marami na ang humanga sa kanyang drip irrigation o fertigation, lalo’t higit sa ngayon sa pagdating sa lalawigan kamakailan ni DA Sec. Francisco Laurel Tiu Jr, at maipakita niya ang high value crops ng 1Bataan farmers gamit ang precision farming – drip irrigation o ang Israel Smart Agriculture Technology.

Talagang humanga si Sec. Laurel Tiu sa nasabing programa ni Cong. Gila na teknolohiya na naghahatid ng sapat na tubig, pataba at sustansya sa lupa direkta sa root zone ng halaman. Ipinaliwanag din niya ang tungkol sa soil laboratoy na higit umanong makapagbibigay ng tamang kaalaman sa mga magsasaka, kung kaya’t hindi napigilan ni Sec Laurel Tiu na sabihin sa kanyang mensahe na nais umano niyang gawing template ito para gayahin ng lahat ng magsasaka sa bansa.

Gayundin sa tuwa ni DA Sec laurel, ay sinabing maglalaan umano siya ng pondo para magkaroon ng kauna unahang soil laboratory sa bansa na sa Bataan ilalagay. Anupa’t sa lahat ng kapakinabangang ito para sa mga magsasaka na ginagawa ni Cong Gila ay hindi kataka takang tawagin siya ngayong “the Living Fertilizer” ayon kay Gov. Joet Garcia dahil siya ang nakikitang hero sa ngayon ng ating mga farmers.

Article Categories:
Agriculture

Leave a Reply

Shares