Pagbubukas ng bagong plaza ng Dinalupihan

Pormal nang binuksan sa publiko sa pangunguna nina Mayor Tong Santos, Cong. Gila Garcia at mga myembro ng Sangguniang Bayan nitong ika-4 ng Disyembre, ang bagong liwasang bayan o plaza ng Dinalupihan. Ang proyekto ay sa pagsisikap nina Mayor Tong Santos, Cong. Gila Garcia at sa tulong ni Gov. Joet Garcia.

Sa simpleng seremonya, sinabi ni Cong Gila sa kanyang mensahe, na ang pinagandang liwasang bayan ay isang testimonya para mapagyaman ang kultura, pagkakaisa ng pamayanan at pagpapakita ng pagmamahal sa bayan ng Dinalupihan. Talaga umanong nagsaliksik pa sila ni Mayor Tong Santos ng itsura ng mga liwasang bayan noong unang panahon, na siyang naging tema ng bagong plaza, gaya ng cobbled stones, mga ilaw, silya at maging kisame ng mga gasebo.