banner

Malaki ang pag-asa sa mabilis na pagbangon, Gob. Joet

Written by
  • Zeny S.
  • 1 month ago

Sa kanyang mensahe bilang bagong halal na gobernador, sinabi ni Gob. Joet na isang araw lamang ang eleksyon kung kaya’t inanyayahan niya ang lahat ng mga opisyal at mamamayan na sama-samang magtulungan para sa kaunlaran ng bayan.

Hiniling niya sa lahat na labanan ang pandemya at iba pang pagsubok, dahil malaki umano ang kanyang pag-asa sa mabilis nating pagbangon dahil sa mga inisyatibo at proyekto sa ating probinsya.

Pagdating sa kalusugan, sinabi ng bagong halal na gobernador na ang Bataan ay napili ng DOH bilang isa sa mga mangunguna sa pagpapatupad ng Universal Health Care Law, na lalong magbibigay sa atin nang maayos na serbisyong medikal. Dagdag pa niya na sasabayan niya ito ng healthy lifestyle program para maging malusog at maka-iwas sa sakit ang mga Bataeño.

Samantala sa pangunguna ng DepEd, magiging epektibo ang blended learning lalo na pagdating ng face to face classes at sa tulong ng ating TELCO partners ay magagawan ng Pamahalaang Panlalawigan ng paraan na magkaroon ng fiber to home internet nang walang bayad para sa edukasyon.

Dahil na rin sa kanyang isinulong na batas sa FAB Expansion, sinabi ni Gob. Joet, magiging maganda ang mga oportunidad kapag tayo ay naging sentro sa Region 3, Region 4A at NCR sa nalalapit na pagtatayo ng Bataan-Cavite interlink bridge.

Article Tags:
· · ·
Article Categories:
News

Leave a Reply

Shares