banner

Mga kababaihan umaksyon

Written by
  • Zeny S.
  • 4 months ago

Sa pagnanais ng mga residente ng Brgy. Sumalo na makasabay sa ninanais ni Mayor Jopet Inton na industriyalisasyon sa bayan ng Hermosa, umaksyon ang mga kababaihang kaanib ng Kabisigka (Kababaihang Bisig ng Kaunlaran) na sinuportahan ng grupo ng kalalakihan o Utol Kapatiran ng Sumalo na maghain sa Department of Agrarian Reform (DAR) na, mapawalang-bisa ang masterlist ng Agrarian Reform Beneficiaries (ARB) dahil ito umano ay puno ng iregularidad na humahadlang na matuloy na ang nais ng Litton Estate na kaunlaran sa kanilang barangay.

Ayon sa pangulo ng mga kababaihan na si Alona Apable, nais na nilang wakasan ang mahabang panahon ng pagkaantala ng pagbabago at kaunlaran sa kanilang barangay.

Ayon pa sa mga kababaihan, halos 20% ng mga nakalista sa masterlist ng ARB ay hindi nagsasaka ng lupa at hindi mga taga-Sumalo.

Samantala sinabi naman ni Rebel Camiling, namumuno sa grupo ng Utol (kapatiran) ng Sumalo, na nakiisa sila sa mga kababaihan para ipakita rin ang suporta ng mayorya ng mga residente para ihayag na tutol sila sa masterlist ng ARB at ang nais nila ay muling buksan ang proseso nang tama at makatarungang pagpili ng DAR ng mga benepisyaryo.

Article Tags:
·
Article Categories:
News

Leave a Reply

Shares