banner

Parents empowerment, touch point ng bagong Gobernador

Written by
  • Zeny S.
  • 1 month ago

Sinabi ni Gob. Joet Garcia na mahalaga na mapalakas ang pamilyang Bataeño. Base na rin sa kanyang karanasan, epektibo o mabisa ang pagpapatupad ng isang parenting program o pagbibigay kaalaman, paalala sa ating mga magulang, bilang mga lider sa pamilya, unang mga guro at caregiver ng ating mga anak.

Dagdag pa niya, just imagine, kung tayo bilang isang probinsya, where all the families thru the parents are aligned with our vision in improving the quality of life of all.

Binigyang-diin pa ni Gob. Joet na ang nasabing programa ang kanyang magiging touch point sa lahat ng pamilyang Bataeño.

Hiniling niya sa lahat ng mga punong bayan at iba pang opisyal na suportahan ang parenting program at huwag umanong mag alala dahil naniniwala siya na, malalagdaan ang isinusulong niyang batas na, “Parents Effectiveness Service Act” na siya umanong magiging framework niya sa pagpapatupad ng nasabing programa.

Ang mga tulong at interbensyon para sa nasabing programa ay gagawing angkop sa pangangailangan ng mga mamamayan mula sa baseline data sa pamamagitan ng Community-based Monitoring System (CBMS) para makita ang mga kailangan nating mga polisiya na dapat gawin.

Article Tags:
· · ·
Article Categories:
News

Leave a Reply

Shares