Sinaksihan ni Sen. Bong Go ang paglagda sa Deed of Donation at presentasyon ng mga plano at perspektibo ng itatayong Philippine Sports Training Center (PSTC) na ginanap sa Oriental Hotel, Mariveles, Martes ng umaga, Mayo 18.
Ang PSTC ay magsisilbing pasilidad para sa mga atletang Pilipino upang magsanay at pagbutihin ang kanilang kakayahan sa kani-kanilang mga disiplina.
Bilang Chairperson ng Senate Committee on Sports, siniguro ni Senator Go sa panayam ng Bataan Press kahapon, ang pagpananatili ng mataas na pamantayan ng mga laro at ang kanyang suporta sa mga atleta upang maiangat ang kanilang lebel sa kompetisyon para sa ikauunlad ng industriya ng palakasan sa bansa.
Dagdag pa ni “Kuya Bong Go”, lagi umano siyang handa upang tulungan ang mga atletang Pilipino at iba pang mga stakeholders para maging matagumpay ang pagbabalik ng mga kumpetisyon habang patungo na sa new normal ang bansa.
