Bukod sa tinanggap na ayuda sa ilalim ng Tulong Panghanapbuhay sa Ating Disadvantaged/Displaced Workers program ng DOLE, ay may dagdag pang Integrated Livelihood Program ang hatid ni Department of Labor and Employment (DOLE) Secretary Silvestre “Bebot” Bello lll sa Probinsiya ng Bataan nitong Biyernes, ika-16 ng Hulyo sa kasagsagan ng COVID-19 pandemic.
Kasabay ng pagbibigay ng tulong sa mga benepisyaryo sa mga bayan ng Pilar at Orion, namahagi din ng mga bangka sa 11 munisipalidad, 1 lungsod at sa AFAB ang DOLE.
Nabigyan din ng tulong pangkabuhayan ang mga piling organisasyon. gaya ng Banawang Mamamayan Sagip Kalikasan Inc. of Bagac, Singing Kahoy Association of Bagac, Ina ng Hermosa Tagapagkalinga, Samahang Kababaehang Ayta sa Kinaragan, Responsable Alangan Ladies Movement Inc.
