Air Passenger Bill of Rights, isinusulong ni Rep. Tony Roman III

Isinusulong ni Bataan 1^st District Representative Antonino Roman III sa Kongreso ang House Bill No. 5631 o Air Passenger Bill of Rights na naglalayong palakasin ang proteksyon at karapatan ng mga airline passengers sa bansa.

Sa ilalim ng panukalang batas, ipagbabawal ang tinatawag na “drip pricing” o ang patung-patong na dagdag-singil sa dulo ng airline booking.

Nakapaloob din dito ang mas malinaw na karapatan ng mga pasahero kaugnay ng flight delays, cancellations, denied boarding, at pagkawala ng bagahe.

Ayon kay Roman, mahalaga ang mas matibay na proteksyon para sa mga biyahero dahil sa isang bansang binubuo ng libo-libong isla tulad ng Philippines, ang air travel ay hindi luho kundi isang mahalagang pangangailangan upang makauwi at makasama ang pamilya.