Isinusulong ni 2nd District Congressman Joet Garcia na magkaroon ng G-Cash o Pay Maya ang lahat ng tricycle driver at tindera sa Ikalawang Distrito ng Lalawigan ng Bataan.
Ito ang ipinahayag ni Cong. Joet sa harap ng mga tricycle driver nang tumanggap ang mga ito ng ayuda galing sa Tupad Program ng Department of Labor and Employment kamakailan.
Sinabi ng Kongresista, na mas maganda na mayroong G-Cash ang mga driver at mahihirap nilang kababayan para lahat ng mga ayudang manggagaling sa gobyerno ay dito na pararaanin.
Layunin din nito na malayo ang mga tindera at tricycle drivers sa hawahan sa COVID-19 at maiwasan ang maging biktima ng panghoholdap at pagnanakaw.
Article Categories:
News
