banner

Cong. Gila dumalo sa Rice Pilot Project inter-agency meeting

Written by
Cong. Gila dumalo sa Rice Pilot Project inter-agency meeting
  • Zeny S.
  • 2 months ago

Alam ng lahat kung gaano kalaki ang problema ng bansa pagdating sa mataas na halaga ng bigas, kung kaya’t gayon na lang ang pagsisikap ni Cong Gila Garcia na makatulong sa mga mamamayan at mga magsasaka.

Dinaluhan ni Congresswoman Gila Garcia ang Rice Pilot Project Inter-agency Meeting kasama si Mayor Tong Santos ng Dinalupihan upang higit pang malaman ang mahahalagang datos gaya ng mga existing and proposed irrigation facilities, rice producing barangays, at production data, na ayon sa kanila ay paghahandaan na nila sakali’t ibaba ang proyektong ito sa kanilang bayan.

Ayon pa kay Cong. Gila, ang layunin umano ng Rice Pilot Project ay para magkaroon ng kooperasyon ang bawat ahensya ng pamahalaan upang maging matagumpay ang nasabing proyekto bilang paghahanda sa tag-ulan. Ito ay hindi lamang para mapataas ang ani ng mga magsasaka kung hindi mapataas din ang produksyon ng palay/bigas sa buong lalawigan. Nakasama nina Cong. Gila at Mayor Tong Santos sina Engr. Joey Dizon ng Provincial Agriculture Office, National Irrigation Administration Region III, at iba pang mga opisyal ng pamahalaan.

Article Categories:
Agriculture

Leave a Reply

Shares