Suicide awareness and prevention: Changing the narratives

Isang makabuluhang programa hinggil sa suicide awareness and prevention ang isinagawa ng Mariveles High School ( Camaya) na may temang, ” Changing the Narratives”.

Layunin ng nasabing programa na baguhin ang pananaw at stigma na nakapalibot sa usaping mental health,  bigyang daan at buksan sa maunawaing pag uusap ang tungkol dito partikular na sa ating mga kabataan.

Pinangunahan ni Dr. Abigail Ramos, Rural Health Physician at Medical Coordinator ng Mental Health Program, ang pagbabahagi ng mga praktikal na gabay tungkol sa mental  health awareness. Binigyang-diin niya na ang pakikinig sa kapwa ay hindi kahinaan kundi isang mahalagang hakbang tungo sa kaligtasan at pag-asa sa buhay. Itinuro din kung papaano maging katuwang ang bawat isa sa pagbabago ng narratibo mula sa pang-unawa, pagbibigay suporta hanggang sa paggamit ng mga serbisyong ihinahandog ng Pamahalaan.

Naging posible ang programa sa tulong ng Pamahalaang Bayan ng Mariveles sa pamumuno ni Mayor AJ Concepcion, Vice Mayor Jesse Concepcion, mga kaanib ng Sangguniang Bayan partikular na si Konsehal Ivan Ricafrente na nagsulong ng ordenansang nagpapakita ng malasakit at pagpapahalaga sa kapakanan ng mga kabataan.