Orion RHU tutulong sa mga pasyenteng may leukemia

Hindi biro ang magkaroon ng sakit na leukemia, isang uri ng kanser sa dugo at bone marrow na kabilang sa top 5 ng mga sanhi ng kamatayan dito sa ating bansa.

Kung kaya’t sa bayan ng Orion, malaking ginhawa sa mga pasyenteng sumasailaim sa gamutang ito, ang makatanggap ng tulong sa kanilang RHU katuwang ang DOH hindi lamang sa mga gamot kundi sa mismong gamutan nito, dahil hindi lamang ito sakit ng katawan kundi sakit din sa bulsa, lalo na sa isang mahirap na walang pagkukunan ng pera.

Kaugnay nito, naglabas ang DOH sa pamamagitan ng RHU ng mga impormasyon ukol sa sintomas ng pagkakaroon ng leukemia, gaya ng madalas na pagdurugo ng ilong o gilagid, madaling na magkaroon ng pasa- pasa sa balat, namamagang kulane at paulit-ulit na infection, ay agad na magtungo sa pinakamalapit na health center, para magabayan sa angkop na gamutan.